Details

Нашата заедничка публикација со наслов "Основи на безбедност - концепциски безбедносни пристапи" во авторство на проф. д-р Марјан Ѓуровски претставува уште еден од низата универзитетски учебници, кој ќе биде воведен во рамки на наставата по предметите на Факултетот за безбедност - Скопје. 

Во рамки на промоцијата на книгата ќе биде организирана академска дискусија на тема "Актуелните безбедносни предизвици и ризици за Северна Македонија и Регионот".  

Настанот ќе се одржи на 09 март (среда), со почеток во 12:00 часот во Хотел Хилтон во Скопје. 

Настанот ќе го отворат директорот на канцеларијата на фондацијата Конрад Аденаур во Скопје Даниел Браун и ректорот на универзитетот Св. Климент Охридски - Битола проф. д-р Сашо Коруновски. 

Свои излагања на дискусија ќе имаат: 

д-р Виктор Димовски, Директор на Агенција за национална безбедност; 

проф. д-р Трајан Гоцевски, Филозофски факултет,  Универзитет Св. Кирил и Методиј – Скопје; 

проф. д-р Марјан Ѓуровски, Автор на книгата; Проректор, Факултет за безбедност – Скопје, Универзитет Св. Климент Охридски – Битола; 

проф. д-р Оливер Бакрески, Институт за безбедност, одбрана и мир, Филозофски факултет, Универзитет Св. Кирил и Методиј – Скопје; 

Академик проф. Неџат Корајлиќ,  (видео обраќање), Факултет за криминалистика, криминологија и безбедносни студии – Универзитет во Сараево; 

проф. д-р Марјан Николовски, Факултет за безбедност – Скопје, Универзитет Св. Климент Охридски - Битола.

Дискусијата ќе ја модерира Славица Арсова, главен и одговорен уредник на вести, ТВ Сител.  

Работни јазици на настанот се македонски и англиски, со обезбеден симултан превод. 

Важна напомена: Безбедносните протоколи за организирање на настани предвидуваат поседување и приложување на потврда за извршена имунизација или за прележан КОВИД-19, задолжително носење заштитни маски, мерење температура на учесниците при влез во просторијата, дезинфекција на раце и одржување физичко растојание.

За подетални информации можете да ја контактирате канцеларијата на Фондацијата Конрад Аденауер во Скопје, на тел. : 02 3217 075 или e-mail: skopje@kas.de.