Veranstaltungsberichte

Презентација на Индексот за конкурентност и иновации на Западен Балкан

Мерење на иновациите за одржлив и паметен раст

На 27 мај во Скопје, Центарот за истражување и креирање политики, во соработка со Фондацијата Конрад Аденауер организираше настан посветен на конкурентноста, иновациите и дигиталната трансформација во земјите од Западен Балкан, на кој беше презентиран Индексот за конкурентност и иновации на Западен Балкан.

Ден на Европа 2026

Седум децении подоцна: Од визијата на Шуман до новите геополитички предизвици на Европа

На 20 мај 2026 година во Скопје се одржа конференцијата „Седум децении подоцна: Од визијата на Шуман до новите геополитички предизвици на Европа“, организирана од Фондацијата Конрад Аденауер (КАС), Европското движење во Република Северна Македонија и Вилфрид Мартенс Центарот за Европски Студии. Настанот беше организиран во рамки на одбележувањето на Денот на Европа – 9 Мај и претставуваше платформа за дискусија за актуелните европски предизвици, процесот на проширување на Европската Унија и улогата на младите во иднината на Европа.

Меѓурелигиски час

Улогата на теологот во 21-от век: Предизвици и Компетенции

Во рамки на проектот „Меѓурелигиски час“, беше реализирана значајна студиска посета на две исклучително важни локации како од културен така и од верски аспект во Скопје – Храмот „Рождество на Пресвета Богородица“ и Џамијата „Султан Мурат“. Овој настан претставуваше уште еден чекор кон продлабочување на меѓурелигиското разбирање и градење доверба меѓу младите теолози во земјата.

Зимскиот универзитет на ЕДС 2026

Визија за младите 2030 – Западен Балкан, стабилност и ВИ во образованието

Зимскиот универзитет на Европските Демократски Студенти (ЕДС) 2026 на тема „Визија за младите 2030 – Западен Балкан, стабилност и ВИ во образованието“, во организација на КАС, ЕДС и Унијата на млади сили на ВМРО-ДПМНЕ, се одржа во периодот од 26 до 29 март во Скопје.

Регионални безбедносни предизвици во контекст на глобалните геополитички промени

Регионална школа за безбедност 2026

Од 12 до 14 март 2026 година во Охрид, Фондацијата Конрад Аденауер во соработка со Центарот за Европски студии Вилфрид Мартенс од Брисел, ја организираше Регионалната школа за безбедност 2026. Тридневниот настан студенти, младите професионалци и експертите од три земји од регионот – Северна Македонија, Бугарија и Србија, кои имаа можност да дискутираат за актуелните безбедносни предизвици во контекст на глобалните геополитички промени.

Етички дилеми и вештачка интелигенција во новинарството

Работилница

Фондацијата Конрад Аденауер (КАС) во соработка со Центарот за Европски студии Вилфред Мартенс од Брисел и ЗНМ организираше обука на тема „Етички дилеми и вештачка интелигенција во новинарството“, посветена на практичната и етичката примена на вештачката интелигенција (ВИ) во новинарството, која се одржа од 26 до 28 февруари 2026 година во Штип.

Награда за средношколско учество – НајГЛАСни!

Фондацијата Конрад Аденауер и Здружението Лидери за едукација, активизам и развој и оваа година продолжуваат со традицијата на доделување на Наградата за средношколско учество – НајГЛАСни!, проект одобрен од Министерството за образование и наука. Наградата претставува признание за ангажманот, активноста и заложбите на ученичките заедници кои придонесуваат за унапредување на ученичкото учество и подобрување на училишниот живот.

Регионална летна школа 2025

Општество и религија: етнички групи, идентитет и национализам

Млади учесници од Албанија, Бугарија, Грција, Косово, Северна Македонија и Србија имаа прилика за учествуваат на Регионална летна школа посветена на една од најакутните и најосетливите теми на Балканот „Општество и Религија: Етнички групи, Идентитет и Национализам“ која се одржа во Охрид во периодот помеѓу 8.-11. јули 2025 година. Организирана од фондацијата Конрад Аденауер и Центарот за европски студии Вилфред Мартенс, овој настан обедини вкупно 17 студенти од различна етничка и религиска припадност кои дискутираа за значајни теми во врска со соживотот, мултикултурализмот и иднината на интеретничките односи во Југоисточна Европа.

Одржлив локален развој за подобра иднина

Владата и Собранието во служба на успешни локални политики

Со цел зајакнување на локалните политички капацитети, Фондацијата Конрад Аденауер во соработка со Партискиот истражувачки и аналитички центар “Љубиша Георгиевски” од 13 до 15 јуни 2025 година организираше обука во Штип на тема „Одржлив локален развој за подобра иднина: Владата и Собранието во служба на успешни локални политики“. На обуката земаа учество членови на Извршниот комитет на ВМРО-ДПМНЕ и кандидати за градоначалници, овој настан ја постави основата за развој и имплементација на одржливи и ефективни политики на општинско ниво како клучна основа за функционална држава.

Ден на Европа 2025

25 години поддршка на евроинтегративниот процес и демократскиот напредок на Северна Македонија

На 28 мај 2025 година, се одржа овогодишниот настан по повод Денот на Европа, во организација на Европското движење во Република Северна Македонија, Фондацијата Конрад Аденауер и Центарот за европски студии Вилфрид Мартенс. Одбележувајќи 25 години поддршка на евроинтегративниот пат на Северна Македонија, во рамки на настанот се одржа панел дискусија за процесот на проширување и интеграцијата во ЕУ, по што следеше младински клуб фокусиран на учеството на младите во политиката и општеството.