Details

Disinformation in the online media

На работилницата со наслов „Дезинформации во онлајн медиумите – практики и решенија“ ќе земат учество двајца искусни тренери Тоше Огњанов и Сефер Селими кои детално ќе ја обработат темата преку практични примери. Воедно Горан Момировски ќе биде гостин предавач од локален онлајн медиум кој ќе даде примери од локален контекст.

Настанот ќе биде отворен од официјалниот претставник на КАС, Даниел Браун и претседателот на ЗНМ, Младен Чадиковски.

Дезинформациите создадени на онлајн медиумите и општо на социјалните медиуми, е прашање што треба да се реши со консензус помеѓу корисниците и давателите на овие услуги. Сепак, неопходно е да се спречи извртувањето на информациите на социјалните медиуми без да се наштети на слободата на изразување, еден од незаменливите елементи на демократијата.

Целта на оваа работилница е размена на пракси и искуства, кои ќе помогнат како на подобар начин во иднина да се препознаат овие негативни трендови, како и да се понудат конструктивни предлози и решенија за нивно спречување.

Работилницата е наменета за млади, но и искусни новинари кои работат во онлајн медиуми.