Политичка академија 2023 - КАНЦЕЛАРИЈА НА ФОНДАЦИЈАТА ВО СЕВЕРНА МАКЕДОНИЈА
Seminar
Details
КАС во соработка со ПИАЦ „Љубиша Георгиевски“ го организираат овој настан со селектирани 30-тина учесници, членови или симпатизери на ВМРО-ДПМНЕ во рамки на Политичката академија: Лидери за иднината, преку повеќе едукативни модули и менторска програма.
Настанот претставува удел во континуираната поддршка која КАС ја дава кон градење одржлив развој во државата, поттикнување на младите политичари и нивна подготовка за водење на процесите на напредок во државата.
Тридневниот настан особeно ќе опфати теми од меѓународната политика и интегративните процеси, како што се историја на меѓународните односи во Европа и на Балканот, односите помеѓу регионот на Западен Балкан и Европската унија во специфични предизвикувачки околности, предизвиците од руската воена агресија врз безбедносните системи на Европа, улогата на европските институции, како и работилница за мултилатерални преговори.
Покрај од КАС, модулите на Политичката академија се поддржани и од други партнери на ВМРО-ДПМНЕ, како што се ИФЕС со поддршка на Швајцарската агенција за развој, Меѓународниот републикански институт и Националниот демократски институт.
КАС продолжува со силната поддршка на градењето капацитети на политичките чинители во правец на носење правилни одлуки, базирани на знаење, искуство и информации.