Seminar
Details
Главната цел на академијата е да ги зајакне знаењата и улогите на партиските членови, политичарите и носителите на функции со јасна визија за напредокот на Република Македонија заснован на основните вредности како слободата, правдата, солидарноста и субсидијарноста. Оваа академија ќе овозможи средба на активни партиски членови и политичари кои тежнеат Република Македонија да стане дел од европското семејство преку промоција на ефикасна владина политика во сите сфери од општеството, заснована на принципите на социјалната пазарна економија.
Политичката академија нуди теоретско знаење и практични вештини за принципите на демократската политичка култура низ дискусии и размена на искуства со домашни и меѓународни експерти.
Цели на академијата
Да ги инспирира партиските членови и политичари да дискутираат меѓусебно со цел да се воспостават и вклучат нови генерации на прогресивни луѓе кои се заинтересирани да станат активни политичари во иднина.
Специфични цели
Учесниците ќе ја зголемат свесноста за вредностите и организацијата на современите европски народни партии.
Учесниците ќе се здобијат со знаењa и вештини за политичка комуникација.
Учесниците ќе го употребат здобиеното знаење и вештини да влијаат на сопствениот политички развој.
Целни групи
Партиски членови, политичари и носители на функции.
