Зајакнување на Училишната заедница на СГГУГС Здравко Цветковски - КАНЦЕЛАРИЈА НА ФОНДАЦИЈАТА ВО СЕВЕРНА МАКЕДОНИЈА
Seminar
Details
Преку проектот, учениците ќе ги зајакнат своите капацитети за раководење со Училишната заедница и ќе бидат поттикнати самите да креираат функционален и оддржлив модел целосно воден од учениците кој потоа ќе може да се реплицира во останатите училишта низ земјава.
За таа цел, ги повикуваме средношколците од СГГУГС Здравко Цветковски, да аплицираат за учество во процесот за зајакнување на Училишната заедница и да добијат можност да бидат дел од раководните структури на истата.
Проектот ќе биде поделен во три фази:
Првата фаза ќе опфати градење на капацитети на 25 ученици преку серија од три обуки:
-> Обука за младинско учество и младински активизам - 9-10 април;
-> Обука за лобирање и застапување и процеси на носење на одлуки - 23-24 април;
-> Симулација на функционирањето на Училишната заедница - 20 мај;
Сите три обуки ќе бидат дводневни и ќе се реализираат во Скопје на следните датуми. Присуството на сите обуки е задолжително.
Втората фаза ќе опфати 4 дневно стратешко планирање на локација надвор од Скопје каде што учениците ќе можат креираат сопствен модел за функционирање на училишната заедница.
Третата фаза ќе опфати консултативни средби со сите засегнати страни во училиштето и процес на селекција на ново раководство.
Ве охрабруваме да се пријавите да бидете дел од проектот со пополнување на
АПЛИКАЦИСКАТА ФОРМА, најдоцна до 03.04 (недела).
Силно веруваме во вашиот потенцијал и уверени сме дека проектот ќе ви даде можност да се стекнете со вештини и знаењa преку кои ќе можете да управувате со Училишната заедницата.