На состанокот на EDS беа присутни над 40 учесници од дваесет и две земји, меѓу кои Претседателот и Генералниот секретар на EDS, како и неколку членови на советот на организацијата. Сите учесници на настанот се идни лидери на нивните политички партии и студентски организации.

Главниот фокус на настанот беше ставен на три важни прашања: 1. Претприемништво 2. Стимулирање на економски развој и 3. Улогата на образованието врз развојот. Во текот на дискусиите делегатите имаа можност да се сретнат и да дебатираат со политичари како и личности од академските кругови од земјава.

За време на состанокот на советот, фокусот беше ставен на развивање на резолуции за стимулирање развој преку младински политики, како и на резолуции за актуелни политички прашања како што е кризата со мигрантите. По настанот ваквите резолуции беа испратени до групата на Европската народна партија во Европскиот парламент.

Воедно, настанот овозможи идните лидери од цела Европа да се запознаат подобро со земјата и да ја разберат нејзината улога во контекст на Европа. Исто така, активните дискусии придонесоа за зголемено вмрежување на EDS и нејзините организации членки со цел да се изгради посилна и поинклузивна европска иднина.