Говорници на дискусијата беа младите пратеници и членови на клубот:
Артина Ќазими, Пратеник (Алијанса на Албанците)
Моника Зајкова, Пратеник (Либерално демократска партија)
Сафије Садики Шаини, Пратеник (Алтернатива)
Фиснике Бектеши Шаќири, Пратеник (ДУИ)
Тимчо Муцунски, Пратеник (ВМРО-ДПМНЕ)
Младите пратеници имаа можност да ги споделат своите мислења и ставови во однос на приоритетите на клубот, соработката со младите и другите општествени и политички чинители, но и да говорат за активностите кои ги спроведува клубот. Дополнително, говорник на настанот беше и Претседателот на НМСМ, Бојан Петровски кој се обрати во својство на претстаник на граѓанскиот сектор во земјата. Настанот привлече големо внимание и на него присуствуваа над 70 млади, претставници на младински организации, медиуми итн.
Настанот беше отворен од страна на Даниел Браун, Официјален претставник на КАС во Скопје, кој истакнa дека политиките не треба да се фокусираат на ограничувањата на самата партија туку да се размислува на младите генерации, констатирајќи дека понекогаш дебатите нема да бидат лесни, но на крајот од денот значајно е да се постигнуваат добри решенија.
Од друга страна, Јован Јаулески, Координаторот на Клубот за младински прашања и политики и пратеник, на настанот истакна дека главен фокус на клубот треба да е имплементацијата на Законот за младинско учество и младински политики, тој исто така апелираше до институциите да бидат поажурни во имплементирање на овој закон.
Дискусијата која се разви за време на настанот беше во насока на потребара за поголемо следење на имплементацијата на Законот за младинско учество и политики, поголемо вклучување на младите во работата и придонес со идеи кон Клубот за младински прашања и политики, потоа зголемување на бројот на законски иницијативи во Собранието кои ќе бидат поднесени од страна на клубот, но и поголема застапеност во медиумите и јавноста на младински теми. Панелистите воедно апелираа до младите да доставуваат свои предлози и да ги споделуваат проблемите со пратениците, пред се со Клубот за младински прашања и политики.
