Një prej fushave me rëndësi që Fondacioni Konrad Adenauer, zyra në Kosovë e trajton, ka qenë dhe mbetet procesi i integrimit të komunitetit serb në jetën institucionale dhe më gjerë në Kosovë. Në lidhje me këtë, Fondacioni Konrad Adenauer ju paraqet edhe një analizë të shkurtë politike me titull: “Zgjedhjet Parlamentare 2014 në Kosovë , Komuniteti Serb karshi realiteteve të reja politike” e përgaditur nga partnerët tanë nga Qendra për Angazhim Shoqëror (CSE) me autorë: Ivana Bozic, Milos Stanojkovic dhe Dina Milovanovic. Analiza paraqet perspektivën e serbëve të Kosovës karshi integrimit të tyre në institucionet kosovare, sfidat që ata i presin dhe mundësitë për pjesëmarrjen e tyre në zgjedhjet parlamentare të vitit 2014 në Kosovë. Në analizë poashtu paraqiten pikëpamjet e ndryshme të serbëve të Kosovës karshi zgjedhjeve, listës së përbashkët dhe marrëveshjeve të arritura deri më tash në mes të Kosovës dhe Serbisë përmes dialogut për normalizimin e mardhënieve mes dy shteteve.