«Երիտասարդները գործելիս. Հայաստանում երիտասարդների զորեղացման և առաջնորդության խթանման» (ԵԳԾ) ծրագրի շրջանակում իրականացվել է ուսումնական այց Բելգիայի Թագավորություն, որը կազմակերպվել և համակարգվել է Կոնրադ Ադենաուեր հիմնադրամի հայաստանյան մասնաճյուղի և «Երիտասարդական նախաձեռնությունների կենտրոն» (ԵՆԿ) ՀԿ-ի կողմից։
Պատվիրակությունը, որը գլխավորում էին ԵԳԾ ծրագրի թիմի ղեկավարը և ԵՆԿ ծրագրի համակարգողը, ներառում էր 13 ներկայացուցիչ՝ ՀՀ Կրթության, գիտության, մշակույթի և սպորտի նախարարությունից, ծրագրի կոնսորցիումի անդամ կազմակերպություններից, ԵԳԾ-ի շրջանակում աջակցություն ստացած երիտասարդական կառույցներից, ինչպես նաև մեկ լրագրող։
Այցի հիմնական նպատակն էր խորացնել պատվիրակության պատկերացումները Բելգիայում երիտասարդական քաղաքականության մշակման գործընթացների վերաբերյալ, ուսումնասիրել միջազգային համագործակցության շրջանակներն ու արդյունավետ երիտասարդական աշխատանքի մոդելները, ինչպես նաև խթանել ռազմավարական գործընկերությունը։
Չորսօրյա այցի ընթացքում պատվիրակությունն անցկացրեց մի շարք հանդիպումներ, ինչպես Եվրոպական Միության, Բելգիայի ազգային ու տեղական կառույցների, այնպես էլ երիտասարդական տեղական կազմակերպությունների հետ։
Մանրամասներին կարող եք ծանոթանալ կից PDF ֆայլում։