დეტალები
2024 წლის 09 სექტემბერს, კონრად ადენაუერის სახელობის ფონდმა (KAS), თანამედროვე ლიბერალიზმის ცენტრთან (LibMod) და ბრწყინვალების კლასტერთან (SCRIPTS) თანამშრომლობით უმასპინძლა პანელურ დისკუსიას სახელწოდებით: „საქართველო ირჩევს: რუსული გზა, თუ ევროპული მომავალი?“
პანელური დისკუსია მიეძღვნა მოახლოებულ საპარლამენტო არჩევნებსა და მის მნიშვნელობას საქართველოსა და ევროპისთვის.
მოწვეულ სტუმრებს მისასალმებელი სიტყვით მიმართეს გერმანიის ფედერაციული რესპუბლიკის ელჩმა საქართველოში, ერნსტ პიტერ ფიშერმა და LibMoD-ის პროგრამის დირექტორმა - ხატია კიკალიშვილმა.
ძირითად მომხსენებლად მოწვეულები იყვნენ ანა ნაცვლიშვილი, საქართველოს პარლამენტის წევრი, კნუტ აბრაჰამი, გერმანიის ბუნდესტაგის წევრი, ეკა ტყეშელაშვილი, USAID-ის, ანტიკორუფციული პროგრამის ხელმძღვანელი უკრაინაში და ჯულია ლენგბეინი, SCRIPTS- ის პროგრამის მენეჯერი.
ღონისძიებას უძღვებოდა კონრად ადენაუერის ფონდის სამხრეთ კავკასიის ოფისის ხელმძღვანელი შტეფან მალერიუსი.
