Details

2023 წლის 8 დეკემბერს, სასტუმრო „სტამბაში“, კონრად ადენაუერის ფონდმა (KAS) მის პარტნიორ ორგანიზაციებთან ერთად: ეკონომიკური პოლიტიკის კვლევის ცენტრი (EPRC), საქართველოს ღია საზოგადოების ფონდი (OSGF) და  თავისუფალ ჟურნალისტთა სახლი (IJH),  ევროკავშირის მიერ მხარდაჭერილი ახალი პროექტის „ერთიანი საქართველო ევროპისთვის“ პრეზენტაცია გამართა.

აუდიტორიას მისასალმებელი სიტყვით მიმართეს საქართველოში ევროკავშირის წარმომადგენლობის განვითარების და თანამშრომლობის განყოფილების ხელმძღვანელმა, ნიკოლას სენდროვიჩმა, გერმანიის ფედერაციული რესუბლიკის ელჩმა საქართველოში, პეტერ ფიშერმა და საქართველოს საგარეო საქმეთა სამინისტროს ევროინტეგრაციის  გენერალური დირექტორატის დირექტორმა, არჩილ ყარაულაშვილმა.

პრეზენტაციაზე, პროექტის შესახებ საკუთარ ხედვები წარმოადგინეს, კონრად ადენაუერის ფონდის სამხრეთ კავკასიის ოფისის ხელმძღვანელმა შტეფან მალერიუსმა, ეკონომიკური პოლიტიკის კვლევის ცენტრის (EPRC) აღმასრულებელმა დირექტორმა ნინო ევგენიძემ, საქართველოს ღია საზოგადოების ფონდის დირექტორმა ქეთევან ხუციშვილმა,  თავისუფალ ჟურნალისტთა სახლის (IJH) კოორდინატორი ირმა დიმიტრაძემ.

შეხვედრაზე მოწვეულ სტუმრებს შესაძლებლობა ჰქონდათ დაეთვალიერებინათ და გაცნობოდნენ გამოფენას სახელწოდებით: „ერთიანი საქართველო ევროპისთვის“, რომლის ფარგლებშიც წარმოდგენილმა ექსპონატებმა საზოგადოებას კიდევ ერთხელ შეახსენეს იმ ქართველ ისტორიულ მოღვაწეებისა და/ან ისტორიულ ფაქტების შესახებ, რომლებიც ადასტურებენ საქართველოსა და მისი მოქალაქეების ერთგულებას ევროპული დემოკრატიული ღირებულებებისადმი, საქართველოს ისტორიულ კავშირს ევროპასთან. 

ღონისძიებაზე მოწვეული იყვნენ საქართველოში მოღვაწე დიპლომატიური კორპუსის, საქართველოს მთავრობის, სამოქალაქო საზოგადოების, მედიის, სხვადასხვა პროფესიული წრეების წარმომადგენლები, მასწავლებლები, ახალგაზრდები, ლიდერები, რომელთა ჩართულობა და თანამონაწილეობა პროექტის მომავალი წარმატების წინაპირობაა.