დეტალები
14 მაისს, კონრად ადენაუერის ფონდისა და საქართველოს პოლიტიკის ინსტიტუტის ხელშეწყობით, ჩატარდა შეხვედრა ქართველ სტუდენტებსა და ევროკავშირის წევრი ქვეყნების პარლამენტთა საგარეო საქმეთა კომიტეტების თავმჯდომარეებს შორის.
მიხაელ როთი (გერმანია), ბოგდან კლიხი (პოლონეთი), ჟიგიმანტას პავილიონისი (ლიეტუვა) და სებასტიან ტინკინენი (ფინეთი) გაეცნენ საქართველოში არსებულ სიტუაციას და მხარდაჭერა გამოხატეს ქართველი სტუდენტების ძალისხმევის და მიმდინარე პროევროპული საპროტესტო აქციების მიმართ. მხარეებმა ისაუბრეს საქართველოში მიმდინარე შიდაპოლიტიკური მოვლენების ფონზე, ქვეყნის ევროინტეგრაციის პროცესის შესაძლო ზემოქმედებაზე.
დეპუტატებმა სტუდენტებს მოუწოდეს გააგრძელონ აქტიური ჩართულობა ქვეყნის სოციალურ და პოლიტიკურ ცხოვრებაში, რათა შექმნან ქვეყნის ევროპული მომავალი.
