Овој документ ги разгледува амбициите на Урсула фон дер Лајен за ЕУ како глобален актер фокусирајќи се исклучиво на регионот на Западен Балкан, започнувајќи со споредба со пристапот на претходната Европска комисија. Потоа, продолжува со разгледување на предизвиците кон заложбите на ЕК да стане геополитички играч, осврнувајќи се на тоа како би можеле да се развиваат односите помеѓу ЕУ и ЗБ во иднина. Ова е од суштинско значење земајќи предвид дека регионот се смета како геополитичка шаховска табла во поглед на другите надворешни актери. Токму затоа, како што ќе биде разгледано и подолу во текстот, Западниот Балкан не претставува само област во која ЕУ ќе ја извршува својата улога на глобален играч, туку исто така е регион кој е клучен за меѓународното препознавање на интегритетот, силата и апетитот на ЕУ за стратешка автономија.