Детали
Во оваа смисла работилницата е дизајнирана да понуди сеопфатно разбирање и практично искуство во однос на последните достигнувања на јазичните модели кои ги нуди вештачката интелигенција, со акцент на Chat GPT 3.5 и 4.0. Таа е наменета за професионалци и поединци кои имаат интерес да ја интегрираат најсовремената технологија во својата секојдневна рутина и опфаќа спектар на теми, почнувајќи од основите на функционирање на овие модели, па се до нивна практична примена во различни области, како содржини, кодирање и анализа на податоци.
Учесниците ќе бидат вклучени во интерактивни сесии и ќе имаат можност да се стекнат со практично искуство во примената на овие алатки наменети за постигнување поголема ефикасност и продуктивност. Покрај тоа, работилницата ќе се осврне и на етичките аспекти и најдобрите практики во насока на одговорна и ефективна примена на овие алатки.
Обуката ќе ја фасилитира Иван Јованов од невладината организација ЛЕАД-Лидери за едукација, активизам и развој, кој е воедно и дел од стипендиската мрежа на КАС.
