Обуката главно беше фокусирана на теми кои се поврзани со зајакнување на капацитетите на политичарите на локално ниво, како и на теми кои се однесуваат на комуникацијата со јавноста.

При отворање на обуката свои обраќања имаа Даниел Браун, официјален претставник на КАС и претседателот на Алтернaтивa, Африм Гаши.

Браун во својот говор истакна дека локалната политика не е "ниска политика", таа е всушност  политика, преку која директно се доаѓа во контакт со граѓаните, со нивните потреби и очекувања. За тоа е потребна емпатија, можност да се понудат решенија, но пред се комуникациски способности како успешно би можеле да се водат локалните политики.

Според Браун локалната политика во Северна Македонија е соочена со многубројни предизвици на локално ниво, но особено како што тоа го покажаа последните месеци треба да се креираат политиките во областите на инфраструктурата, животната околина и здравството. Токму од тие причини фондацијата Конрад Аденауер во Северна Македонија организира тренинзи за активни, но и заинтересирани политичари на локално ниво за да можат во иднина да се посветат токму на овие предизвици. Овие тренинзи се во соработка со политичкиот партнер, Алтренатива, со кој КАС веќе има изградено односи. На крајот Браун истакна дека како фондација се радуваме што сме во можност на овој начин да дадеме допринос за локалната демократија и нејзиното професионализирање. 

Гаши во своето обраќање се заблагодари на фондацијата за организацијата на овој настан и изрази уверување дека понатамошниот развојот на взаемната соработка ќе биде додадена вредност во демократскиот живот на Северна Македонија.

Вовед во работниот дел од обуката даде Марко Панковски од Институтот за демократија „Социетас цивилис“ Скопје (ИДСЦС), кој во своето излагање говореше за локалната самоуправа во земјата при тоа давајќи краток историски преглед и правна рамка на локалната самоуправа, ингеренциите и поставеноста на единиците на локалната самоуправа, за изборниот модел за локални избори, како и за општините во услови на Ковид-19. Беким Белиќи од Факултетот за политички науки од Приштина одржа тренинг на повеќе различни теми поврзани со политичката комуникација, јавното говорење, креирањето на политички стратегии и водењето кампањи.