Details

Projekti synon të edukojë gra të reja nga pesë zona urbane dhe periferike në vend dhe është planifikuar të rastisë me zgjedhjet vendore 2019. Kësisoj përfitueset nga trajnimet do të jenë gra që do të votojnë për herë të parë, por edhe ato që kanë votuar në zgjedhje të mëparshme. Qëllimi kryesor është beteja ndaj pabarazisë gjinore dhe pjesëmarrja e grave të reja në proçeset vendimmarrëse për konsolidimin dhe funksionimin e demokracisë. Për këtë është përgatitur një broshurë e veçantë, e cila u drejtohet pjesëmarrëseve me një gjuhe të kuptueshme duke u shpjeguar rëndësinë e të qenurit pjesë e marrjes së vendimeve si dhe mbi mënjanimin e votimit familjar. Workshopi përqëndrohet tek e drejta e votës së pavarur e vetjake, barazia gjinore dhe funksionimi i institucioneve qeverisëse vendore.