Projekti filloi në dhjetor të vitit 2017, me angaxhimin e tre ekspertëve, të cilët vrojtuan së afërmi situatën në Bashkinë e qytetit të Progradecit dhe zhvilluan biseda, intervista me punonjësit e administratës për të identifikuar mangësitë dhe nevojat e tyre. Si rezultat doli se nevoja për kualifikim të mëtejshëm dhe trajnime për zgjerimin e njohurive ishte shumë urgjente. Fondacioni Konrad Adenauer në bashkëpunim me ekspertët e fushës hartuan një plan veprimi, i cili përfshin tre faza të ndryshme trajnimi.

Mbas trajnimit të parë rreth zbarimit të ligjit të prokurimit publik, i cili u zhvillua në prill vijoi në qershor workshop-i i dytë, i cili u përqëndrua në njohuritë rreth aktit administrativ dhe procedimit hetimor administrativ. Nje fazë e tretë trajnimi do të vijojë në muajt në vazhdim me fokus projektet IPA.