Fondacionet politike: Modelet për rastin e Kosovës

Për shkak të rëndësisë thelbësore të partive politike në formimin e procesit të vendimmarrjes dhe politikëbërjes, roli i fondacioneve politike shpesh mund të mos merret parasysh. Megjithatë, një këndvështrim i tillë mund të jetë i gabueshëm. Fondacionet politike të afërta me partitë politike u bënë aktorë të rëndësishëm në konfigurimin e Luftës së Dytë Botërore, jo vetëm duke bashkëpunuar me partitë politike, por edhe duke u angazhuar globalisht në shtetet e treta përmes ndihmës demokratike dhe përkrahjes për partitë simotra. Raporti i mëposhtëm synon të ofrojë një diskutim gjithëpërfshirës mbi fondacionet politike, duke synuar të ofrojë rekomandime konkrete se si ato mund të organizohen në rastin e Kosovës. Për ta arritur këtë qëllim, do të përshkruhen dhe krahasohen modele të ndryshme të fondacioneve politike, duke i dhënë kështu theks të veçantë elementeve të tilla si fushëveprimi i tyre i punës, rregulloret ligjore dhe burimet e financimit.