Details

Публічная дыскусія прысвечана ўплыву падзеяў 19 снежня 2010 г. на развіццё двухбаковых адносінаў паміж Беларуссю і Еўрапейскім Саюзам у рамках праграмы “Усходняе партнёрства”.

Падчас дыскусіі плануецца абмеркаваць пытанні, датычныя наступстваў 19 снежня, далейшыя перспектывы і варыянты развіцця двухбаковых адносінаў Беларусі і ЕС. У дыскусіі прымуць удзел эксперты і аналітыкі з Беларусі, Украіны, Польшчы.

Дыскусія таксама прадугледжвае далучэнне да абмеркавання праз пытанні і рэплікі удзельнікаў і гасцей Кангрэса.

Мадэратар: Штэфан Малерыус, дырэктар беларускага прадстаўніцтва Фонду Конрада Адэнаўэра

Мова мадэравання – ангельская

Забяспечваецца сінхронны пераклад з ангельскай на беларускую

Дыскутанты:

• Анатоль Круглашоў, доктар палітычных навук, НДІ Еўрапейскай інтэграцыі і рэгіянальных даследванняў, Чарнавіцкі нацыянальны універсітэт (Украіна);
• Дзяніс Мельянцоў, старэйшы аналітык Беларускага інстытута стратэгічных даследаванняў (Літва-Беларусь);
• Станіслаў Канапацкі, доктар палітычных навук, прафесар, факультэт Міжнародных даследаванняў і палітычных навук Універсітэта ў Лодзі (Польшча);
• Андрэй Ягораў, выканаўчы мэнэджэр Цэнтра еўрапейскай трансфармацыі (Беларусь);
• Вячаслаў Пазняк кандыдат філасофскіх навук, дацэнт Еўрапейскага гуманітарнага універсітэта, кіраўнік партала “Wider Europe” (Беларусь).

Падчас Кангрэса беларускае прадстаўніцтва Фонду Конрада Адэнаўэра прадставіць сваю новую публікацыю - кнігу "Беларусь і Еўрапескі Саюз: ад ізаляцыі да супрацоўніцтва", якую ўдзельнікі Кангрэсу змогуць атрымаць бясплатна.

Праграма Міжнароднага кангрэса даследчыкаў Беларусі

Секцыі і панэлі Міжнароднага кангрэса даследчыкаў Беларусі (pdf)

Ініцыятары Кангрэса:

• Універсітэт Вітаўта Вялікага (Каўнас)
• Інстытут палітычных даследаванняў “Палітычная сфера” (Мінск)
• Інстытут ВКЛ (Каўнас)