Детали
Академијата има за цел да обезбеди стратешка поддршка и практични вештини за градоначалниците од редовите на ВМРО-ДПМНЕ, со фокус на подобрување на нивната ефикасност, транспарентност и комуникација со граѓаните. Во рамки на академијата, ќе се одржи и дискусија на тема „Организациски, комуникациски и стратешки пристап за поефикасна локална самоуправа и комуникација со граѓаните“, која ќе отвори простор за размена на искуства, идеи и добри практики. Програмата вклучува и специјализирани обуки за лидерство и комуникациски вештини во политиката.
Свои обраќања на академијата ќе имаат Даниел Браун, Официјален претставник на Фондацијата Конрад Аденауер, Христијан Мицкоски, Претседател на Владата и Претседател на ВМРО-ДПМНЕ и Светислав Васев, Раководител на Партиско истражувачко-аналитичкиот центар на ВМРО-ДПМНЕ.
Со оваа обука на градоначалниците ќе им се овозможи да стекнат нови знаења, вештини и перспективи. Оваа академија не само што придонесува за личен и професионален развој на учесниците, туку индиректно влијае и врз подобрувањето на услугите кои локалните власти им ги испорачуваат на граѓаните. Ваквите иницијативи ќе продолжат и во иднина, со крајна цел – современа, ефективна и транспарентна локална самоуправа која активно комуницира со своите граѓани и ги исполнува нивните потреби.
