Детали
Настанот ќе обедини политичарки, носители на одлуки, експерти и претставници од регионот и Европа, со цел унапредување на улогата на жените во лидерството и зајакнување на европската перспектива на Западен Балкан.
Официјалното отворање на настанот ќе се одржи на 18 април, со обраќања на:
Жаклина Пешевска, Пратеничка и претседателка на Унијата на жени на ВМРО-ДПМНЕ;
Даниел Браун, официјален претставник на Фондацијата Конрад Аденауер;
Драган Ковачки, пратеник во Собранието и генерален секретар на ВМРО-ДПМНЕ;
Мајрид Мекгинис, претседател на EPP Women, поранешен европски комесар и поранешен потпретседател на Европскиот парламент (онлајн обраќање);
Долорс Монсерат, пратеник во Европскиот парламент и генерален секретар на Европската народна партија (онлајн обраќање).
Во рамки на програмата, дискусиите ќе се насочат кон актуелните геополитички и безбедносни предизвици и нивното влијание врз процесот на проширување на Европската Унија, при што особено внимание ќе се посвети на улогата на женското лидерство во обликувањето на овие процеси. Паралелно, ќе се отвори поширока дебата за енергетската транзиција, транспортната поврзаност и нивната улога во забрзување на европската интеграција на регионот. Дел од програмата ќе биде посветен и на значењето на жените во науката, технологијата и иновациите, со фокус на градење мостови помеѓу Западен Балкан и Европската Унија во овие области.
Преку интерактивен формат и размена на искуства, настанот има за цел да придонесе кон зајакнување на регионалната соработка, поддршка на европските политики и унапредување на учеството на жените во процесите на донесување одлуки.
