АБСЕ: Выбары ў Беларусі зноў недэмакратычныя

Папярэдняя ацэнка назіральнікаў Місіі АБСЕ, агучаная сення ў другой палове дня адназначная: нягледзячы на невялікія паляпшэнні парламенцкія выбары ў Беларусі ў значнай ступені не дасягнулі стандартаў АБСЕ па дэмакратычных выбарах. Такім чынам разбіліся спадзяванні шматлікіх назіральнікаў на тое, што выбары ў Беларусі стануць першым крокам да сур’езнай дэмакратызацыі ў краіне і дадуць шанец у бліжэйшай перспектыве устойліва палепшыць адносіны паміж паміж ЕС і Беларуссю. У прыватнасці ў сваім заключэнні, якое было апублікавана а 15 г. па мясцовым часе ў Мінску, АБСЕ прыходзіць да наступнай высновы: выбары адбыліся пад строгім кантролем пры амаль што незаўважнай перадвыбарчай барацьбе. Галасаванне праходзіла ўвогуле без перашкодаў, пры падліке галасоў аднак сітуацыя значна змянілася: у 48 % выбарчых участкаў, якія наведалі назіральнікі, падлік быў ацэнены як кепскі ці вельмі кепскі. У 35 % участкаў назіральнікам перешкаджалі нагляданне за падлікам галасоў.