Першы адкрыты пошуг адбыўся ў траўні, калі Масква ўхілілася ад выплаты другой часткі абяцанага Беларусі міліярднага крэдыта. Напачатку чэрвеня Расея ўвела забарону на ўвоз малочных прадуктаў з Беларусі. Лукашэнка ў адказ дэманстратыўна адмовіўся ад удзела ў паседжанні Рады калектыўнай бяспекі ў сярэдзіне чэрвеня ў Маскве і загадаў нават тэрмінова ўсталяваць мытныя пункты на сумеснай саюзнай мяжы. Ня вырашаным, як здаецца, застаецца і пытанне газавай запазычаннасці Мінска перад Масквой. Працягласць і шматбаковасць канфліктаў паміж Беларуссю і Расеяй уздымаюць пытанне, ці разглядаць гэта як ужо усім знаемыя цыклічна паўтаральныя сваркі ці як знак глыбокага палітычнага аддалення двух дзяржаваў?