KAS ACADEMY OF POLITICAL EDUCATION
행사 간행물
კონრად ადენაუერის სახელობის ფონდი (KAS) აცხადებს მონაწილეთა შერჩევას პოლიტიკური განათლების აკადემიის 2021 წლის ნაკადისთვის.
აკადემია მიზნად ისახავს ახალგაზრდებში (18-25 წლის) არაფორმალური პოლიტიკური განათლების განვითარების ხელშეწყობასა და პოპულარიზაციას. პროექტში მონაწილეობის მიღება შეუძლია ნებისმიერი მიმართულების/სპეციალობის სტუდენტს.
პოლიტიკური განათლების აკადემია განხორციელდება ორ ეტაპად:
- 2021 წლის , 28, 29, 30 და 31 ივლისს სასტუმრო „რუმსში“ ჩატარდება 4 დღიანი ტრენინგი კონკურსით შერჩეული სტუდენტებისათვის. ტრენინგის შემდეგ სტუდენტები საკუთარ უნივერსიტეტებში განახორციელებენ შემუშავებულ პროექტებს, რომლებსაც კონრად ადენაუერის ფონდი დააფინანსებს.
- 2021 წლის 26-29 აგვისტოს მონაწილე სტუდენტები შეიკრიბებიან საზაფხულო სკოლაში, წინანდალში. საზაფხულო სკოლა მიზნად ისახავს განხორციელებული პროექტების განხილვას და სიმულაციას - “Shaping Neighbourhood”
- პროექტის მონაწილეებს სრული კურსის დამთავრების შემდეგ გადაეცემათ სერტიფიკატები.
მონაწილეთა შერჩევა:
კონკურსში მონაწილეობის მიღება შეუძლიათ ილიას სახელმწიფო უნივერსიტეტის, თბილისის ივანე ჯავახიშვილს სახელობის სახელმწიფო უნივერსიტეტისა და ქუთაისის აკაკი წერეთლის სახელობის სახელმწიფო უნივერსიტეტის საბაკალავრო საფეხურის 1-ელ, მე-2 და მე-3 კურსელ სტუდენტებს.
პოლიტიკური განათლების აკადემიაში მონაწილეობის მსურველებმა 2021 წლის 7 ივლისამდე უნდა გამოაგზავნონ განაცხადი ელ. მისამართზე: info.georgien@kas.de
განაცხადი მოიცავს CV-ს და არგუმენტირებულ ესეს. (Word, მაქს. 500 სიტყვა, ფონტი Sylfaen 11, სტრიქონებს შორის ინტერვალი 1,15, ქართულ ენაზე).
ესე: 2020 წლის საპარლამენტო არჩევნების შემდგომ განვითარებულმა პოლიტიკურმა კრიზისმა ნათლად წარმოაჩინა პოლიტიკურ ძალებს შორის არსებული უკიდურესი პოლარიზაცია. საზოგადოება კიდევ ერთხელ დარწმუნდა, რომ პრაქტიკულად ყველა პოლიტიკური ძალა "ნულოვანი ჯამის თამაშის" (zero-sum game) კატეგორიებით აზროვნებს და ზოგიერთს, მომავალი, პოლიტიკური ოპონენტების გარეშე წარმოუდგენია. მსოფლიოში და რეგიონში (პანდემია, დაპირისპირება უკრაინაში, სომხეთ-აზერბაიჯანის ომი) არსებული გამოწვევების ფონზე, ასეთმა შიდა დაპირისპირებამ შეიძლება წერტილი დაუსვას საქართველოს ამბიციურ ევრო-ატლანტიკურ მისწრაფებებს.
როგორ შეიძლება არსებული დაპირისპირების განმუხტვა, რომ მომავალში საჭირო აღარ გახდეს საერთაშორისო პარტნიორების ჩარევა და მრავალპარტიულობის პირობებში, ქვეყნის შიგნით გამოინახოს კრიზისების განმუხტვის რესურსი? იქნება თუ არა კოალიციური მთავრობის შექმნა გამოსავალი, რომელიც გარდატეხას შეიტანს პოლარიზებულ პოლიტიკურ სპექტრში? არგუმენტირებულ ესეში იმსჯელეთ შესაძლებლად მიგაჩნიათ თუ არა დაპირისპირებული პოლიტიკური ძალების შეთანხმება კოალიციური მთავრობის ფორმირების გზით.
მონაწილეთა განაცხადებს განიხილავს კომისია. არგუმენტირებული ესეს შეფასებისას გათვალისწინებული იქნება განმცხადებლის მიერ წარმოჩენილი:
- პოლიტიკური წიგნიერება;
- არგუმენტაციის უნარი;
- აკადემიური წერის სტილი;
კომისია განცხადების განხილვის საფუძველზე შეარჩევს გასაუბრების კანდიდატებს. გასაუბრებები შედგება 2021 წლის 12-16 ივლისს.
განაცხადების განხილვისა და გასაუბრების შედეგების საფუძველზე შეირჩევიან პოლი-ტიკური განათლების აკადემიის მონაწილე სტუდენტები.
საკონტაქტო ინფორმაცია:
შორენა ღარიბაშვილი - კონრად ადენაუერის სახელობის ფონდის პროგრამის მენეჯერი; ელ-ფოსტა: shorena.gharibashvili@kas.de
이 시리즈에 대해
콘라드-아데나워-재단은 자체의 교육원, 교육센터, 해외대표부 등을 통해 매년 수천개가 넘는 다양한 주제의 행사를 진행하고 있습니다. www.kas.de 에서는 귀하에게 선정된 콘퍼런스, 이벤트, 심포지엄 등에 관한 정보를 신속하게 그리고 독점적으로 제공합니다. 이 웹사이트를 통해 귀하는 행사의 요약된 내용 뿐 아니라 사진, 강연원고, 비디오 녹화 또는 오디오 녹음과 같은 추가자료들을 접할 수 있습니다.