Ден на Европа 2023

Одбележување на Денот на Европа - 9 Мај

На 18 Мај 2023, се одржа настанот посветен на одбележувањето Денот на Европа – 9 Мај, во организација на Европско движење на Република Северна Македонија, во партнерство со Фондацијата Конрад Аденауер и Центарот за Европски студии Вилфрид Мартенс. По поздравните обраќања се одржа и панел дискусија на темата „Иднината на проширувањето на ЕУ - Кои се придобивките за Северна Македонија и Европската унија?“.

Меѓурелигиски час

Учиме едни од други за живот едни со други

На 17-ти мај се одржа проектот „Меѓурелигиска час“. Настанот го организираше Фондацијата Конрад Аденауер во тесна соработка со Православниот богословски факултет „Свети Климент Охридски“ и Факултетот за исламски науки од Скопје. Триесетина учесници, вклучувајќи студенти по теологија, претставници на верски заедници, експерти од областа на религијата и други заинтересирани поединци, учествуваа на настанот со цел да се поттикне значајна размена на идеи и искуства.

Зајакнување на капацитетите на пратениците

Улогата на Собранието во време на современите демократски предизвици

Од 06 до 08 април, КАС во соработка со Партискиот истражувачко-аналитички центар „Љубиша Георгиевски“ го организираше тренинг семинарот наменет за пратеничката група на ВМРО-ДПМНЕ и Коалицијата, насловена како „Зајакнување на капацитетите на пратениците: Улогата на Собранието во време на современите демократски предизвици“. Овој настан опфати стручни презентации и работилници предводени од бројни домашни експерти, меѓународни претставници, актуелни и поранешни политичари, експерти и теоретичари во врска со адекватното презентирање на пратениците во Собранието, комуникација со граѓаните, градење стратешки пристап кон превенција и менаџирање на современите демократски предизвици во македонското општество.

Политичка академија 2023

Лидери за иднината

Од 31 март до 02 април, КАС заедно со ПИАЦ „Љубиша Георгиевски“ го организираа првиот модул на Политичката академија, насловен како „Лидери за иднината“. Наменет за селектирани млади учесници, овој модул опфати стручни презентации и работилници предводени од бројни домашни експерти, меѓународни претставници, актуелни и поранешни политичари, експерти и теоретичари во врска со основите на лидерството, со особен фокус на функционирањето на политичкиот систем и македонските политички процеси.

Дезинформации во онлајн медиумите – практики и решенија

Работилница

Од 02 до 04 март во Струмица се одржа дводневна работилница во организација на КАС и Здружението на новинарите на Македонија (ЗНМ) со наслов „Дезинформации во онлајн медиумите – практики и решенија“ на која учество земаа новинари од повеќе од 30 онлајн медиуми од целата земја.

Тркалезна маса

Религијата во образованието – искуства и предизвици

Фондацијата Конрад Аденауер во соработка со Асоцијацијата на професори по Eтика во религиите организираше тркалезна маса на 16 февруари во Скопје на тема „Религијата во образованието - искуства и предизвици“ на која присуствуваа лидерите на верските заедници, пратеници и експерти на темата од академијата и општеството.

Обука за личен маркетинг за актуелните КАС стипендисти

На 21 декември 2022 Фондацијата Конрад Аденауер спроведе обука за личен маркетинг наменета за актуелните КАС стипендисти, со цел поддршка и унапредување на нивните компетенции и персоналните вештини во насока на подобра и поквалитетна себе-промоција.

Новата реалност во училиштата - создавање можности со иновации и дигитални решенија

На 17. декември се одржа семинар на тема “Новата реалност во училиштата – создавање можности со иновации и дигитални решенија” наменета за професори по предметот Етика во религиите.

Младинска политичка академија

Западен Балкан во контекст на актуелните безбедносни и економски предизвици по руската агресија на Украина

КАС во соработка со Унијата на Млади Сили (УМС) на ВМРО-ДПМНЕ и Европските Демократски Студенти (ЕДС) од 01 до 04 декември во Скопје ja организираа Младинската политичка академија на тема „Западен Балкан во контекст на актуелните безбедносни и економски предизвици по руската агресија на Украина“.

Политичка академија 2022

Стратегија и визија во време на криза

Од 28 до 30 октомври, КАС во соработка со ПИАЦ „Љубиша Георгиевски“ организираше уште една од серијата политички академии, овој пат наменета за највисокото раководство на ВМРО-ДПМНЕ на тема: „Стратегија и визија во време на криза“. Овогодишната Политичка академија опфати стручни презентации и работилници предводени од бројни домашни експерти, меѓународни претставници, актуелни и поранешни политичари и теоретичари во врска со раководењето на процеси во време на кризи – од сите аспекти кои се актуелни во моментот.